【低成本移英．藍領工人人際關係深入篇】

相中大概係全公司嘅縮影，大部分係Local白人，然後有少量黑人同亞裔。

首先，我會幫我自己做個定位，我喺一堆Local同事入面嘅角色係咩？

缺點係埋唔到堆，優點亦都係埋唔到堆，唔會捲入派系鬥爭，每個Team Leader都係我老細，保持中立。

同事盡量會嗌埋我一齊玩，但係唔好期望會成為好熟嘅朋友，始終大家生活習慣同話題都好唔同，最緊要大方玩得，be an interesting person好緊要。

仲有要識玩ig，ig係30-5x歲都會用嘅社交媒體，update自己生活製造話題，通常同事會主動問你上星期去邊度邊度好唔好玩呀之類。

仲有大方啲，唔好太計較，be a good teammate，每個人返工都想有個好partner，性格好，又幫到手。

工作上英文盡量就唔好麻煩到同事，畢竟佢哋無義務做你英文老師，自己記好哂啲字，佢哋主動幫你就另外一回事，通常佢哋都會幫。

總之凡事多點同理心。